رولات التوست بالهوت دوغ وشرائح جبن سلايس

المقادير




8 قطع توست منزوع الأطراف


قرص بيض مقلي


شرايح مرتديلا


جبن سلايس


قطعة هوت دوغ


مايونيز - خردل - جبن كاسات


بيض و بقسماط للتغميس



الــطـــريــقـــة



أول شي يفرش ورق نايلون على الكاونتر عشان نبدأالشغل


و نحضرقطع التوست ثم ترق كل ثنتين مع بعض


تثبت الأطراف على بعض و ترق جيداً


الحين نجي للتطبيق


هذي مقاديرنا اللي بنستخدمها للحشوة


البيض يُبهربملح و فلفل بعدين يقلى قرص دائري كبير و يقسم بالنص


و الهوت دوغ يشوى قبل مايستخدم و ممكن يقلى ب الزيت


أول شي نجيب شريحة توست (الطبقة الأولى) و ندهنها إما بالمايونيز أو الخردل أو جبن الكاسات حسب الرغبة



بعدين نحط نصف قرص البيض


فوقه نحط شريحة توست (هذي الطبقة الثانية) و ندهنها نفس الشي



و بعدين نصف فوقها المرتديلا


و فوق المرتديلا نحط شريحة توست (الطبقة الثالثة) و ندهنها و نحط النص الثاني من قرص البيض و فوقه شرايح الجبن السلايس



الحين نجي لآخر خطوة


نحط آخر شريحة توست (الطبقة الرابعة)



و ندهنها و فوقها قطعة الهوت دوغ


الحين بمساعدة ورق النايلون نلف شرايح التوست المحشية بالطول و نشد ورق النايلون عليها عشان ما تنفنح أو تتشقق


تترك على جنب و جهزوا صحنين


و احد نخلط فيه بيضة و الثاني نحط فيه بقسماط


و نجهز مقلى كبير و نذوب فيه قطعة زبدة صغيرة و شوي زيت


بعدين نفك ورق النايلون و نغمس الرول بالبيض بعدين البقسماط


و نحمرها في المقلى اللي جهزناه تقلب من شان تتحمر من كل الجهات


و ننتبه ما تكون النار حامية كثير خلوها أقل من الوسط عشان نتأكد إن الرول يسخن زين و إن الجبن يذوب


ثم تقطع بِ سكين حاده